A Capelèta Sant’Ambrösu
Capelèta Sant’Ambrösu,
che par dì : “in memoria rèsta”,
a Madona contr’áa pèsta,
‘l ha valzá a ma’ un dì;
S’é scumparsa ! t’han sperdü ?
Oh, Gieseta, oh Cruseta
Di me tempi benedeta,
in dughé ti sé finì ? !
Som passá da Canton Santu,
t’hu cercá, ul me Gesiö
tème chandu sèa ‘n fiö,
cun passion e cun magon;
Hu criá da tüci i párti
par savé st’han cambiá postu,
ma pürtropu m’han rispostu:
‘l han trèi dentr’in dun burón !
I nost vìgi e i fuèsti,
e i Artisti e i Piligrén,
Cardanen e Ziffulen,
t’han credü, sa sa pó credi !
I Grand’òman, straputenti,
ümiliái e trabülái,
e tant quanti ch’hinn passái,
t’han sentü cun tüta fèdi !
Testimoni dáa Gran Grazia,
che a Madona du Aütu
‘l ha sculpì e da par tütu
in favur dáa Umanitá;
Un distén, a “ma ragórdu”,
in cá vègia o in cá nöa,
la pudéa catál föa
a Cristiana Civiltà !
Ernesto Bottigelli 1932
Questa composizione è stata ispirata dalla demolizione della cappelletta di Sant'Ambrogio in Canton Santo. Si rimanda, per la storia della cappelletta, alla sezione sulle chiese di Busto.
Altre composizioni di Ernesto Bottigelli