A cá di noni al è divisa in dü:
na parti nöa e na parti vegia.
Indi me rigordi,
a parti vegia a la ma par püse recenti.
A scáa da sasu grisa
cui curiman da legn e i pumèi d'utón
tül sgrabelá dai nósti man
chan sa andéa sü
e sa gnéa giù da cursa.
I piastrei dul paimentu
cunt i disègn rosa e grisi
che i nosti scarpi i limpiéan da sfrisi.
U armári vegiu daa nona Miéta
cunt'u anta granda
e ul casetòn di lanzö.
A cantina frègia cui ragnéi
chi féan pagüa, senza na lüsi.
Ul zardén al é tütu un sögn:
u erba al é vólta,
i pianti senza pudadüa,
i sciresi e i zanzurliti
ai hin tüti in tera,
ma megn a gh'ho in buca anmó
ul so saur.

Flavio Candiani