|
A scrìu quatàr righi pàr chì ca sa öi bèn, parchè, incö l'è Sàn Valentèn Vuèsi bèn, in dàa vita, l'è quasi na procedùra, però al dì d’incö, l'è sempar pusè dùra. Gà parla i giùrnai, sa sènti in televisiòn, chi ca sa öi bèn, ghè pù nisòn. Pàr chi pochi persòn e chèla poca gènti chi paran dà vès cuntenti, l'è nò pecà murtàl vuèsi bèn, specialmenti incö cà l'è San Valenten. Pàr chì tài che l'amùr l'è sfucià in da chi dì chì, Pàr chì tài che l'amùr lu proàn tuti i dì, Améssi e tignéssi par màn, pusè d'ignéi mènu da dumàn. Ca sa tègnan pàr màn,tèe vedi pàa strà. Vègi e giùin, ghè nò limite d'età. Dòn e òman, tusàn e fiò, ghè nò dà scandalizàs, sa gà scàpa un bàsen intantu cà fì quatàr pàs. L'è bèl pensà, in cò d'ùna giurnàa, che ‘n caivon àl tà vöi bèn, e alùa fàsi curàgiu e digàl parchè là và bèn nò, in dùl tò còr, tignil dèn. Na òlta, l'èa bèl duè dì a ùs " T'à òu bèn". mò invèci, sa ùsa, cùnt'ul mesàgiu al telefunèn. T'è rièsi mai, chi cà l'ù ricevi, vidè a sò emuziòn e magari te pensi ca tà öan bèn e inveci, te ciàpi su anca dul cùiòn. Pàr guarì du òdiu e du strès dàa vita, viva l'amùr e fùrsi ghè nò bisògn da cùri in dùl dutùr. Anca mì, gà vöu bèn ai mè dòn e ma vergògnu nànca un cicìnèn. Specialmenti incö, ca l'è Sàn Valèntèn. Valèntèn, pènsaghi tì a pasà pulìdu chel dì chì. Fà che tùci a sa vöan bèn, chì tàntu, chì pòcu e chì dumà un cicìnen. Gilberto ( Chèl tàl ca tà vöi ben ) |
Gilberto Giornazzi - 14.2.2014